Ժամանակակից գործնական աշխարհում հաջողության հասնելու կարևոր նախապայման է հաղորդակցական հմտությունների և հուզական բանականության արդյունավետ համակցությունը։ Այն հնարավորություն է տալիս թե՛ առօրյա կյանքում, և թե՛ աշխատավայրում խոսքն առավել նպատակային և ազդեցիկ դարձնել։ Հույզերի արհեստավարժ կառավարումը, փոխընբռնումն ու ակտիվ լսելու մտությունը, դիմացինի և սեփական վարքագիծն ավելի լավ հասկանալու ունակությունը ի զորու են ստեղծել ամուր հարաբերություններ, որոնք և հիմք են ծառայում արդյունավետ համագործակցության և համատեղ արժեք ստեղծելու կարևորագույն գործընթացի համար։

Դասընթացի հիմնական նպատակն է՝ մասնակիցներին զինել այնպիսի հմտություններով ու գիտելիքներով, որոնք անհրաժեշտ են գործնական և անձնական մակարդակներում հաղորդակցությունը բարելավելու, առավել հեշտացնելու և հաջողության հասնելու համար:

Այս ծրագիրը նախատեսված է

• գործող կամ ապագա մենեջերների
• լիդերների և ղեկավարների
• բոլոր նրանց համար, ովքեր ցանկանում են զարգացնել իրենց հմտությունները՝ որպես լիդեր:

Դասընթացի բովանդակությունը

1. Հաղորդակցության հիմնարար դրույթները և հուզական բանականության կարևորությունը
2. Տեղեկատվության ընկալումը, դրանք զտող ֆիլտրերը
3. Ինչպես ենք ընկալում ինքներս մեզ, և ինչպես են մեզ ընկալում այլ անձինք
4. Համոզելու և մանիպուլյացիայի մեթոդները
5. Ակտիվ լսելու հմտություն
6. Կոնֆլիկտների կառավարման ոճեր
7. Որոշումների կայացում, հիմնական մոդելներ
8. Վստահության բանաձև

Հիմնական արդյունքներ

Դասընթացի ավարտին մասնակիցները կտիրապետեն հաղորդակցման տարբեր մեթոդներին, կբացահայտեն հուզական բանականությամբ հաղորդակցման առավելություններին՝ ներքին և արտաքին ներդաշնակության հասնելու առումով, կծանոթանան համոզելու հնարքներին, կոնֆլիկտների կառավարման ոճերին:Դասընթացը կօգնի նաև զգալիորեն բարելավել միջանձնային և ներանձնային հարաբերությունները, որոնք կերաշխավորեն հաջող կատարողական աշխատավայրում, նպատակների իրագործում և ինքնակատարելագործում։

Տևողություն
2 ժամ

Օրեր
մայիսի 11, 19:00-21:00

Ձեր ներդրումը
4500 դրամ

Դասընթացավար
Լարինա Բիչախչյան (PHD, CMI)

Միջազգայնորեն սերտիֆիկացված դասընթացավար, ով ունի ղեկավարման և մասնագիտական դասընթացների իրականացման ավելի քան 20 տարվա փորձ՝ կրթական, բանկային, միջազգային նախագծերի և այլ ոլորտներում:
Նրա պորտֆոլիոն ներառում է այնպիսի ընկերություններ, ինչպիսիք են Ինեկոբանկը, Ամերիաբանկը, ՊրոԿրեդիտ Բանկը, Մոնիտիսը, Սիներջին, Կինո Սթարը, WWF և այլն:

Լեզու
հայերեն