Ծրագրի նպատակն է պատրաստել պրակտիկ մասնագետներ, ովքեր մասնակցությունից անմիջապես հետո պատրաստ կլինեն աշխատել որպես ֆինանսական վերլուծաբաններ բանկերում, վարկային կազմակերպություններում, աուդիտորական ու խորհրդատվական ընկերություններում և այլուր:

Մասնակիցները ձեռք կբերեն գիտելիքներ բանկային գործունեության, ֆինանսական վերլուծությունների վերաբերյալ, կկարողանան իրականացնել բիզնես վերլուծություններ, ռիսկերի գնահատում և կազմել ֆինանսական հաշվետությունները:

Դասընթացին մասնակցության համար աշխատանքային փորձը պարտադիր չէ: Quick Start-ը համագործակցում է ֆինանսաբանկային ոլորտում գործող մի շարք ընկերությունների հետ, և ծրագրի լավագույն մասնակիցները կդիտարկվեն գործատու կազմակերպությունների կողմից:

 Ծրագրի հիմնական փուլերն են՝

• Ֆինանսական հիմնական հաշվետվություններ
• Խորացված բիզնես վերլուծություն և ռիսկերի գնահատում

Դասընթացի մանրամասն նկարագրություն

• Ավարտական թեստավորում
• Հավաստագրերի տրամադրում
• CV կազմելու ու հարցազրույցն հաջող անցնելու խորհրդատվություն
• Կապ գործատուների հետ (*ամբողջական ծրագրին մասնակցած և բարձր արդյունքեր ցուցաբերած մասնակիցների համար):

Ծրագրի ավարտին մասնակիցները կկարողանան՝

1. Կազմել ֆինանսական հիմնական հաշվետվություններ
2. Իրականացնել բիզնես վերլուծություններ
3. Իրականացնել ռիսկերի գնահատում

Տևողություն
22 ժամ
Մեկնարկ՝ Սեպտեմբերի 6
Օրեր՝ երկուշաբթի, չորեքշաբթի, ուրբաթ
19:00-21:00

Ձեր ներդրումը`
56,000 ՀՀ դրամ

Դասընթացավար`

Արմեն Վարդանյան 

Արմենը ֆինանսաբանկային համակարգում աշխատանքային գործունեություն է ծավալում 2006  թվականից։ Աշխատանքային գործունեության ընթացքում ղեկավարել է վարկային կազմակերպության տարբեր բաժիններ՝ Հետգործառնական, Լիզինգի, Հիփոթեքի ինչպես նաև Արտաքին կապերի և միջոցների ներգրավման։

Նախորդ 15 տարիների աշխատանքային գործունեության ընթացքում դասընթացավարը ղեկավարել է մի քանի տարածաշրջանային մասնաճյուղեր, որոնք ակտիվ ներգրավված են եղել վարկային գործառնություններում, հատկապես տնտեսությունների վերլուծության, վարկունակության գնահատման և վարկերի տրամադրման գործընթացներում։

Դասընթացավարը դասավանդում է նաև Ճարտարապետության և շինարարության ազգային համալսարանի Էկոնոմիկայի, իրավունքի և կառավարման ամբիոնում։

Մասնակիցների քանակ`
Միչև 15 հոգի

Լեզու
Հայերեն