Ներկայումս միայն մասնագիտական հմտությունները բավարար չեն մրցակցային շուկայում հմուտ և պահանջված մասնագետ դառնալու համար։

Վերջին շրջանում գործատուները բազմիցս բախվում են միևնույն խնդրին․ աշխատակիցը հրաշալի տիրապետում է իր մասնագիտությանը, սակայն չի կարողանում ինտեգրվել թիմում կամ կառավարել անձնային հմտությունները։

Շփվելով բազում գործատուների հետ, իրականացնելով հետազոտություններ և տեսնելով շուկայում այս խնդիրը՝ Quick Start-ը մշակեց SkillLead ծրագիրը, որը նախքան մեկնարկը անցել է բազմաշերտ մշակման և ստուգման փուլերով։

SkillLead. ծրագիր, որը մշակված է բոլոր այն հմուտ մասնագետների համար, ովքեր ունեն հիմնային մասնագիտական գիտելիքներ և ցանկանում են զարգացնել իրենց փափուկ հմտությունները։

ԾՐԱԳՐԻ ԿԱՌՈՒՑՎԱԾՔ ԵՎ ՓՈՒԼԵՐ

SkillLead ծրագիրը բաղկացած է 2 փուլից՝

ԱՌԱՋԻՆ ՓՈՒԼ․
ՊՐՈՖԱՅԼԻՆԳ – Ինքնաճանաչում և էմոցիոնալ բանականություն (Emotional Intelligence)

Այս փուլի ընթացքում մասնակիցներն առերեսվելու և ծանոթանալու են իրենց «ԵՍ»-ի հետ, պարզելու են իրենց ուժեղ և թուլյ կողմերն ու զարգացնելու են իրենց ինքնակառավարումն ու ինքնագիտակցումը, ինչն առաջնայինն է ցանկացած աշխատանքային իրավիճակում հավասարակշռություն պահելու համար։

Առաջին փուլի թեմաներն են՝

• Ինքնաճանաչում և ռեֆլեկտիվ ունակություններ
• Աշխատանքային արդյունավետության բարձրացում (հուզական ինքնակարգավորում և սթրեսի կարգավորում, արդյունավետության խոչընդոտների բացահայտում և հաղթահարում, արդյունավետության սովորությունների ձևավորում, նպատակադրում)

ԵՐԿՐՈՐԴ ՓՈՒԼ․
ՓԱՓՈՒԿ ՀՄՏՈՒԹՅՈՒՆՆԵՐԻ ԴԱՍԸՆԹԱՑ

Աշխատանքային պրոցեսում մասնագետին ամենաշատը խանգարում են հաղորդակցման հմտությունների ոչ լիարժեք տիրապետումը, ժամանակի անարդյունավետ կառավարումը և թիմային աշխատանքի թերի իրականացումը։

Այսպիսով, երկրորդ փուլի թեմաներն են՝

1. Հաղորդակցում

• Արդյունավետ հաղորդակցություն, տեղեկատվության և գաղափարների արդյունավետ փոխանցում
• Երկկողմանի հաղորդակցություն, կառուցողական հետադարձ կապ

2. Ժամանակի կառավարում

• Առաջնահերթությունների սահմանում, ժամանակի արդյունավետ կառավարում
• Ճկուն մտածողություն փոփոխությունների և անորոշությունների շրջանում

3. Համագործակցություն և թիմային աշխատանք

• Թիմային աշխատանք, արդյունավետ թիմի բնութագրերը
• Համագործակցային մտածողության զարգացում

Ծրագրի իրականացման մեթոդաբանություն․

Նյութի տրամադրում – Գործնական կիրառում – Անհատական աշխատանքների իրականացում

Ծրագրի ընթացքում մասնակիցներն իրենց ներգրավվածությունն են ունենալու թիմային և անհատական աշխատանքների, իրավիճակային խաղերի, ինտերակտիվ քննարկումների և այլ տարբեր գործնական աշխատանքների մեջ։

Դասընթացի արդյունքում մասնակիցները՝

• կհասնեն ինքնագիտակցման նոր մակարդակի, որն իրենց թույլ կտա ճիշտ դրսևորվել յուրաքանչյուր իրավիճակում
• կսովորեն դյուրին և նպատակին հաղորդակցվել
• կսովորեն օպտիմալ կառավարել ժամանակը
• կդառնան թիմային՝ հեշտացնելով աշխատանքային գործընթացը
• կբացահայտեն սեփական զարգացման ուղին և ամբողջ ներուժով կձգտեն կատարելագործման

4 հիմնական պատճառ՝ ինչու ընտրել Quick Start-ի SkillLead ծրագիրը՝

1. միակ համապարփակ ծրագիրը փափուկ հմտությունների վերաբերյալ
2. ծրագիր՝ մշակված խորը հետազոտությունների հիման վրա
3. ուսուցում և փորձի փոխանակում ոլորտի առաջատար մասնագետների հետ
4. բազում դասընթացների փորձի հիման վրա մշակված, հարստացված բովանդակություն

Ծրագրի մեկնարկ. Սեպտեմբերի 19

Ծրագրի տևողություն. 16 ժամ
Դասերն իրականանալու են երեքշաբթի և հինգշաբթի օրերին, ժամը 19։00-21։00

Ծրագրի արժեք․ 89․000 ՀՀ դրամ (ներառյալ հարկերը)
!!! EARLY BIRD !!!  Մինչև սեպտեմբերի 5-ը գրանցվելու դեպքում դասընթացի արժեքը 89.000 դրամի փոխարեն կկազմի 79.000 դրամ։

Նախագծի մասնակիցների քանակ. մինչև 15 հոգի

ԾՐԱԳՐԻ ԽՈՍՆԱԿՆԵՐ

ԱՆՆԱ ԿՈՆՋՈՐՅԱՆ

ՄՌԿ մասնագետ և տաղանդների առաջխաղացման ղեկավար

Աննան երկար տարիների փորձ ունեցող ՄՌԿ մասնագետ է, ինչպես նաև փափուկ և առաջնորդության հմտությունների թեմաների դասընթացավար։ Նա մասնակցել է մի շարք վերապատրաստման ծրագրերի, ինչպիսիք են՝ Chartered Management Institute (CMI Level 5, 6, 7) – Մեծ Բրիտանիա, Creativity Workshop – Ֆլորենցիա, Էրիքսոն Քոուչինգ (Մոդուլ 1 և 2 ) – Հայաստան:

Աննան իրականացնում է թրեյնինգներ իրավիճակային առաջնորդության, պատվիրակության հմտությունների, կատարողականի կառավարման, թիմի կառավարման, ժամանակի արդյունավետ կառավարման, թիմային աշխատանքի և շատ այլ թեմաներով։

Աննան նաև գրքի հեղինակ է, ինչպես նաև «Ignite Creativity Workshop» աշխատարանի հեղինակ։

ՄԱՐԻԱՄ ՄԵԼՔՈՒՄՅԱՆ

“MASTERMIND” դասընթացների և զարգացման ընկերության հիմնադիր

Մարիամը երկար տարիների փորձ ունեցող հոգեբան և փափուկ հմտությունների թրեյներ է, ով մասնակցել և շարունակում է մասնակցել տարբեր ծրագրերի և դասընթացների Եվրոպական միության երկրներում։

Նա իրականացնում է թրեյնինգներ սթրեսի կառավարման, առաջնորդության հմտությունների, կոնֆլիկտների կառավարման, հաղորդակցման հմտությունների, անձնային աճի և շատ այլ թեմաներով:

Աշխատում է մի շարք միջազգային և հայկական խոշոր ընկերությունների հետ, ինչպիսիք են՝ Առողջապահության համաշխարհային կազմակերպություն, ՀՀ Առողջապահության նախարարություն, Cenomi Retail Armenia, Digitain, Հայկական Կարմիր խաչի ընկերություն, Թումո ստեղծարար տեխնոլոգիաների կենտրոն, ՀՀ փաստաբանների պալատ, UNHCR և այլն:

Մարիամը նաև հրապարակախոս և հեռուստահաղորդավար է, հաճախ հանդես է գալիս Հայաստանի հանրային հեռուստատեսությամբ՝ օգնելով հազարավոր մարդկանց անձնական զարգացման գործում:

ԹԱՄԱՐԱ ՍԱՐԳՍՅԱՆ

«Soulshine» ինքնազարգացման, ոչ ֆորմալ կրթության և խորհրդատվության-քոուչինգի հարթակի հիմնադիր

Թամարան մագիստրոսի աստիճան ունեցող հոգեբան է և խորհրդատու-քոուչ, ով աշխատում է ինտեգրատիվ և ամբողջական/ հոլիստիկ մոտեցմամբ՝ համատեղելով հոգեբանական խորհրդատվության ու քոուչինգի մեթոդոլոգիաները:

Սովորել է կառավարման հոգեբանություն, անցել է մի շարք տեղական և միջազգային գործնական վերապատրաստումներ հետևյալ հիմնական ուղղվածություններով՝ գեշտալտ թերապիայի մոտեցմամբ խորհրդատվություն, հոգեթերապևտիկ և անձնային աճի մի շարք այլ ուղղություններ, Էմոցիոնալ ինտելեկտ, ինքնագիտակցում, հմտությունների զարգացում, քոուչինգի ուղղությամբ վերապատրաստում Քոուչինգի միջազգային ֆեդերացիայի կողմից (Մոդուլ 1) և այլն:

Նա իրականացնում է թրեյնինգներ՝ ինքնաճանաչման, հուզական ինքնակարգավորման, սթրեսի կարգավորման, փափուկ հմտությունների, ինքնազարգացման և անձնային շատ այլ հմտությունների զարգացման թեմաներով։ Թամարան ունի անհատների և խմբերի հետ աշխատելու հարուստ փորձ՝ խորհրդատվության-քոուչինգի, վերապատրաստման, ուսուցման և ինքնազարգացման մոտեցումների կիրառմամբ։ Նա նաև նպատակադրման գրքույկ-պլանեռի հեղինակ է:

“Կրթական ծրագիրը ստեղծվել է Quick Start-ի և Help-Hilfe zur Selbsthilfe կազմակերպության համատեղ նախագծի շրջանակում, որն իրականացվում է RECONOMY ծրագրի ներքո։ RECONOMY ծրագիրը ֆինանսավորվում է Շվեդիայի միջազգային զարգացման համագործակցության գործակալության (Sida) կողմից և իրականացվում HELVETAS Շվեցարական փոխհամագործակցության և Help-ի հետ համատեղ։”

Շտապե՛ք միանալ խմբին, քանի որ տեղերն արագ համալրվում են։

Հարցերի դեպքում, մեզ հետ կարող եք կապ հաստատել՝ info@quickstart.am, +374 77 59 39 59:

Սիրով սպասում ենք Ձեզ։