Զարգացման ծրագրեր

Ջինիշյան հիշատակի հիմնադրամի հետ մեր համագործակցության նպատակն էր օգնել մասնակիցներին թվայնացնել իրենց բիզնեսը՝ ստեղծելով եկամուտներ ձեռք բերելու նոր հնարավորություններ։ «Կին ձեռներեցների թվային հմտությունների զարգացում» ծրագրի շրջանակներում ՀՀ Գեղարքունիքի, Շիրակի, Լոռու, Տավուշի, Սյունիքի, Կոտայքի և Վայոց ձորի մարզերում 18-35 տարեկան երիտասարդ ձեռներեցների համար անցկացվել են բիզնես հմտությունների զարգացման դասընթացներ։

ՀԲԸՄ-ի հետ համատեղ իրականացվող «Կին ծրագրավորողներ» նախագիծը նպատակ ուներ խթանել կանանց ներգրավվածությունը ՏՏ ոլորտում: Մասնակիցներն ընդգրկվել էին Հայաստանի տարբեր մարզերից և Արցախից։ Երեք տարվա ընթացքում մենք վերապատրաստել ենք ավելի քան 200 շահառուի՝ ՏՏ ոլորտի հետևյալ մասնագիտական ուղղություններով՝ QA, IT Project Management, React.js, Node.js, PHP, Product Management և UI/UX: Ուշագրավ է, որ մասնակիցների 67%-ն այսօր աշխատում է առաջատար ՏՏ ընկերություններում։