ԶԱՐԳԱՑՄԱՆ ԾՐԱԳՐԵՐ

Quick Startը իրականացնում է մի շարք զարգացման ծրագրեր՝ տարբեր միջազգային կազմակերպությունների, հիմնադրամների և հասարակական կազմակերպությունների հետ գործընկերության արդյունքում: Նպատակն է նպաստել համայնքների և սոցիալական տարբեր խմբերի հավասարաչափ զարգացմանը, տալ հավասար կրթության հնարավորություն բոլորին: Այս պահին ընկերությունը իրականացնում է երկու խոշոր զարգացման ծրագրեր:

  • ՀԲԸՄ Հայկական Բարեգործական Ընդհանուր Միություն (AGBU)ի ֆինանսավորմամբ իրականացվում է WomenCoders նախագիծը, որի նպատակն է խթանել կանանց զբաղվածությանը ՏՏ ոլորտում: Նախագծի շրջանակում Quick Start ընկերությունը վերապատրաստում է ավելի քան 50 մասնակիցների՝ ՏՏ նախագծերի կառավարման, որակի ապահովման և ծրագրավորման ուղղություններով:
  • Հաջորդ ընթացիկ նախագիծը իրականացվում է Ջինիշյան Հիշատակի հիմնադրամի հետ համատեղ՝ HSBC բանկի ֆինանսավորմամբ:  Ծրագիրը միտված է աջակցել կորոնավիրուսի արդյունքում տուժած բիզնեսներին և անհատներին, որի շրջանակում իրականացվում են թվային գրագիտության և թվային մարքեթինգի թեմաներով մի շարք դասընթացներ, վեբինարներ և խորհրդատվական հանդիպումներ:
  • Childrens of Armenian Fund (COAF)-ի հետ համատեղ իրականացվող ծրագրի շրջանակներում իրականացվում են երիտասարդների ուսուցում աշխատունակության հմտությունների վերաբերյալ, անհատական խորհրդատվություններ, մասնագիտական ծրագրերի ուղղորդում, կարիերայի կողմնորոշման դասեր։