Մենք իրականացնում ենք զարգացման ծրագրեր՝ համագործակցելով տարբեր միջազգային և ազգային կազմակերպությունների և հիմնադրամների հետ՝ ինչպիսիք են ՔՈԱՖ-ը, ՀԲԸՄ, ՋՀՀ, ԱՅԲ, Դասավանդի’ր Հայաստան և այլն: Մենք նպատակ ունենք նպաստել համայնքների և տարբեր սոցիալական խմբերի հավասար զարգացմանը և բոլորին տալ հավասար կրթության հնարավորություն:

ՀՀ Զբոսաշրջության կոմիտեի հետ համագործակցությամբ «Աջակցություն զբոսաշրջության զարգացմանը» 2023թ․ ծրագրի շրջանակում, Quick Start-ը իրականացնում է մարդկային ռեսուրսների զարգացմանն ուղղված դասընթաց հյուրընկալության ոլորտի աշխատակիցների համար Լոռու և Տավուշի մարզերում։
Ծրագրի շահառուներն են՝ Լոռու, Տավուշի և հարակից մարզերի հյուրընկալության ոլորտի սկսնակ և հմուտ մասնագետները։

Ջինիշյան հիշատակի հիմնադրամի հետ մեր համագործակցության նպատակն է օգնել մասնակիցներին թվայնացնել իրենց բիզնեսը՝ ստեղծելով եկամուտներ ձեռք բերելու նոր հնարավորություններ։ «Կին ձեռներեցների թվային հմտությունների զարգացում» ծրագրի շրջանակներում ՀՀ Գեղարքունիքի, Շիրակի, Լոռու, Տավուշի, Սյունիքի, Կոտայքի և Վայոց ձորի մարզերում 18-35 տարեկան երիտասարդ ձեռներեցների համար անցկացվել են բիզնես հմտությունների զարգացման դասընթացներ։

COAF հիմնադրամի և Quick Start-ի համագործակցությամբ իրականացվող ծրագրերը մեծապես նպաստում են մարզերի երիտասարդների ներուժի բացահայտմանն ու զորակցմանը։
Մեր «Աշխատունակության հմտություններ» դասընթացի նպատակն է երիտասարդներին օգնել աշխատաշուկայում ավելի մրցունակ և վստահ դառնալ:

ՀԲԸՄ-ի հետ մեր «Կին ծրագրավորողներ» նախագիծը խթանում է կանանց ներգրավմանը ՏՏ ոլորտում: Մասնակիցները Հայաստանի տարբեր մարզերից և Արցախից են։ Երեք տարվա ընթացքում մենք վերապատրաստել ենք ավելի քան 200 ծրագրի շահառուների ՏՏ մասնագիտական ոլորտներում հետևյալ մասնագիտական ուղղություններով՝ QA, IT Project Management, React.js, Node.js, PHP, Product Management և UI/UX: Հատկանշական է, որ մասնակիցների 67%-ն աշխատում է առաջատար ՏՏ ընկերություններում։