HRM Professional, Corporate Trainer, Author of HRM books, Founder of “Bvik” Educational Foundation

Ջուլիան 12+ տարիների փորձ ունեցող ՄՌԿ մասնագետ և 16+ տարների փորձ ունեցող թրեյներ է՝ ով աշխատել և աշխատում է Հայաստանի մի շարք մեծ ընկերությունների հետ, որոնցից յուրաքանչյուրում մասնագիտացել է մեծ թիմերի առաջնորդության և կառավարման գործում։

Ջուլիան իրականացնում է թրեյնինգներ կառավարման հմտությունների, բանավոր և գրավոր հաղորդակցման, կոնֆլիկտների, սթրեսի, ժամանակի կառավարման, թիմային աշխատանքի, թիմի կառավարման և այլ հարակից թեմաներով:

Ջուլիան հեղինակել է Մարդկային ռեսուրսների կառավարման ոլորտի առաջին թվով երեք հայալեզու գրքերը։ Գրքերում մշտապես մատնանշվում են ղեկավարի կառավարչական, փափուկ հմտությունների, բնավորության և վարվեցողության կարևորությունը թիմային աշխատանքի կազմակերպման, ընկերության ռազմավարական նպատակների իրականացման գործում։ Կարևորելով շարունակական կրթությունը մասնագիտական առաջընթացի գործընթացում՝ ոչ միայն վերապատրաստումներ է իրականացնում, այլև, սեփական գիտելիքները հարստացնելու նպատակով, այս պահին սովորում է Անգլիական Յորքի համալսարանում։

Աննան երկար տարիների փորձ ունեցող ՄՌԿ մասնագետ է, ով այժմ աշխատում է Ամիօ բանկում որպես Կորպորատիվ մշակույթի բաժնի ղեկավար:
Նա նաև փափուկ և առաջնորդության հմտությունների թեմաների դասընթացավար է, ով մասնակցել է մի շարք վերապատրաստման ծրագրերի, ինչպիսիք են՝ Chartered Management Institute (CMI Level 5, 6, 7) – Մեծ Բրիտանիա, Creativity Workshop – Ֆլորենցիա, Էրիքսոն Քոուչինգ (Մոդուլ 1 և 2 ) – Հայաստան:

Աննան իրականացնում է թրեյնինգներ իրավիճակային առաջնորդության, պատվիրակության հմտությունների, կատարողականի կառավարման, թիմի կառավարման, ժամանակի արդյունավետ կառավարման, թիմային աշխատանքի և շատ այլ թեմաներով։

Աննա Կոնջորյանը Ignite Creativity կրթական հարթակի հիմնադիրն է, «Վերելք» կենսագրական գրքի հեղինակը, ինչպես նաև Staffmedia հարթակում ստեղծարար մտածողության թեմայի շուրջ սունյակագիր, ով այժմ նաև աշխատում է ստեղծարար մտածողության թեմայով իր երկրորդ գրքի ստեղծման շուրջ։

Կրթության փորձագետ, Խորհրդատու, Վերապատրաստող, Նախագծերի ղեկավար

Քրիստինան ունի շուրջ 15 տարվա փորձառություն կրթության ոլորտում։ Նա նախաձեռնել և համակարգել է մի շարջ միջազգային և ազգային նախագծեր՝ միտված կրթության զարգացմանը և միջազգայնացմանը։ Հուզական բանականության բնագավառում նրա ղեկավարած խոշոր նախաձեռնություններից է «Սերունդ» ծրագիրը, որի շրջանակներում հարյուրավոր ուսուցիչներ վերապատրաստվել են սոցիալ-հուզական ուսումնառության ուղղությամբ` արդյունքում Հայաստանի տարբեր մարզերի հազարից ավել դպրոցականներ ձևավորել են սոցիալ-հուզական հմտություններ։
Նա ներգրավված է եղել բարձրագույն կրթության բարեփոխման կարևոր գործընթացներում՝ լինելով Էրազմուս+ բարձրագույն կրթության փորձագետ, ինչպես նաև համագործակցելով ԿԳՄՍ նախարարության և Եվրոպայի խորհրդի հետ։

Քրիստինան անցել է ինտենսիվ վերապատրաստումներ Տրանսֆորմացիոն քոուչինգի, Էմոցիոնալ ինտելեկտի, Էննեագրամմայի, Արևելյան փիլիսոփայությունների թեմաներով, ինչը նրան թույլ է տալիս ձևավորել միջավայր, որտեղ թիմերը համախմբվում են, իսկ ստեղծարարությունն ու աշխատանքի արդյունավետությունը հանգեցնում են շարունակական աճի։